אַהֲבַת דּוֹדִי (סְלִיחָה) | לירון צדקה



אַהֲבַת דּוֹדִי בִּקַּשְׁתִּי גַּם קִרְבָתוֹ דָּרַשְׁתִּי וְעַל כֵּן קַמְתִּי גַּם חַשְׁתִּי בְּעוֹד לֵיל עַרְשִׂי נָטַשְׁתִּי וְאֶחְגֹּר חַרְבִּי וְקַשְׁתִּי פֶּתַח דַּלְתְּךָ נָקַשְׁתִּי תְּפִלָּתִי לְךָ הִגַּשְׁתִּי וּתְחִנָּה לָאֵ-ל לָחַשְׁתִּי


וְיִרְאָה מְאֹד לָבַשְׁתִּי מִפְּנֵי יוֹם דִּינְךָ נִרְעַשְׁתִּי מַעֲשַׂי הַיּוֹם מִשַּׁשְׁתִּי לְחֶשְׁבּוֹן נַפְשִׁי נִגַּשְׁתִּי גַּם בְּפָעֳלִי פִּשְׁפַּשְׁתִּי וּבְמַעֲשַׂי מִשְׁמַשְׁתִּי וְאֶרְאֶה כִּי דַּלְתִּי, רַשְּׁתִי וְרָעוֹת רַבּוֹת רָכַשְׁתִּי


וְנִבְהַלְתִּי גַּם נִרְגַשְׁתִּי כִּי מִמַּעֲשִׂים רֻשַּׁשְׁתִּי מִנְּתִיבְךָ סַרְתִּי גַּם מַשְׁתִּי וּמִתּוֹרָתְךָ פָּרַשְׁתִּי בַּעֲקֵב חֻקֶּיךָ דַּשְׁתִּי וְעֵינַי בְּרַע לָטַשְׁתִּי וּמְזִמּוֹת בַּלֵּב חָרַשְׁתִּי עֲווֹן אֲבוֹתַי יָרַשְׁתִּי


לִי אֶטְמֹן פַּחִי וְרִשְׁתִּי כִּי זָקֵן וּכְסִיל פָּגַשְׁתִּי וַאֲדוֹנִים לִי רָכַשְׁתִּי וּבְבוֹר יִצְרִי נוּקַשְׁתִּי עֲבוֹדַת גִּלוּל שִׁמַּשְׁתִּי כִּי חֲרוֹנִי לֹא כָּבַשְׁתִּי דֶּרֶךְ הַיָּשָׁר עִקַשְׁתִּי

וְלָשׁוּב מְאֹד בּוֹשַׁשְׁתִּי

אַךְ לוּלֵא צַר לִי הֶחְרַשְׁתִּי כִּי בְּיוֹם קְרָב נֶחְלַשְׁתִּי וְעַתָּה מְאֹד עָשַׁשְׁתִּי וְאֶת רֵאשִׁיתִי בִּיַּשְׁתִּי לְאַחֲרִיתִי חָשַׁשְׁתִּי וּתְשׁוּבָה לְךָ גִּשַּׁשְׁתִּי

אֶת פִּצְעֵי לִבִּי חָבַשְׁתִּי גַּם מִדֶּמַע לֹא יָבַשְׁתִּי

מִכַּבְלֵי יִצְרִי חֻפַּשְׁתִּי רַעְיוֹנוֹתַי קִדַּשְׁתִּי וְעַתָּה כּוֹחִי חִדַּשְׁתִּי וּלְעָבְדְךָ נִגַּשְׁתִּי

אַהֲבַת דּוֹדִי בִּקַּשְׁתִּי גַּם אֶת קִרְבָתוֹ דָּרַשְׁתִּי בִּשְׂפָתַי תְּפִלָּה רָחַשְׁתִּי וְשִׁירִי לְךָ הִקְדַּשְׁתִּי.

אֲחַלֶּה מַלְכִּי בְּיִרְאָה וְחוֹבִי סְלַח, הָעֲבִירָה וַאֲבִי, לְךָ אַזְכִּירָה אָהַבְתִּי לָךְ אַגְבִּירָה.



*לירון צדקה הוא משורר, מחבר ספר השירים בינתיים. קראו שירים נוספים של לירון צדקה ועקבו אחריו בעמוד הפייסבוק: https://www.facebook.com/tzadkaliron

לרכישת הספר בינתיים צרו קשר במייל: lironkon@gmail.com

או בטלפון: 054-5496624

12 צפיות0 תגובות

פוסטים אחרונים

הצג הכול